-
මුල් පිටුව
- පුවත්
J/85 நாவாந்துறை வடக்கு கிராம அலுவலர் பிரிவிற்குட்பட்ட மாதர் கிராம அபிவிருத்தி சங்கத்தின் வருடாந்த பொதுக்கூட்டமும் நிர்வாகத்தெரிவும் 22.11.2022 பி.ப 3.00 மணியளவில் கிராம அலுவலர் அலுவலகத்தில் நடைபெற்றது. இதில் யாழ்ப்பாண பிரதேச செயலக மாதர் கிராம அபிவிருத்தி உத்தியோகத்தர் ,கிராம அலுவலர், அபிவிருத்தி உத்தியோகத்தர், மற்றும் கிராம மக்கள் ஆகியோர் கலந்து கொண்டனர்.
பால்நிலை வன்முறைக்கெதிரான செயற்குழு உறுப்பினர்களுக்குரிய மூன்றுநாள் பயிற்சிப் பட்டறை எமது பிரதேச செயலகத்தில் நடைபெற்று 18.11.2022 வெள்ளிக்கிழமை நிறைவடைந்துள்ளது.முதலாம் நாள் செயலமர்வில், போதைப் பொருள் பாவனையும் அதனால் ஏற்படும் பாதிப்புகளும் பற்றி வளவாளர் திரு.பிறேம் அவர்களும் ,இரண்டாம் நாள் செயலமர்வில் இளவயது கர்ப்பம் ,பால்நிலை வன்முறைகள் இடம்பெறும் வடிவங்கள்,அப் பிரச்சனைகளுக்கு அணுக வேண்டிய சேவை நிலையங்கள் தொடர்பாக வளவாளர் Dr.குருபரன் மகப்பேற்று வைத்தியர் யாழ்.போதனா வைத்தியசாலை அவர்களும், மூன்றாம் நாள் செயலமர்வில் பால்நிலை வன்முறை தொடர்பான சட்டங்கள் பற்றி வளவாளர் புராதனி விரிவுரையாளர்,சட்டத்துறை,யாழ் பல்கலைக்கழகம் அவர்களும் கலந்து கொண்டு தமது கருத்துக்களை பகிர்ந்து கொண்டனர்.
எமது பிரதேச செயலாளர் பிரிவிற்குட்பட்ட கிராம அலுவலர் பிரிவுகளில் எமது நாட்டின் 75 ஆவது சுதந்திர தினத்தை முன்னிட்டு பரவலாக பல்வேறு சிரமதானப் பணிகள் இடம்பெற்று வருகின்றன.தற்போது மழைகாலம் என்பதால் டெங்கு நோயின் அபாயம் குறித்த விழிப்புணர்வுடன் கூடியதாகவே இப் பணிகள் இடம்பெற்று வருகின்றன.இவற்றில் கிராம மட்ட உத்தியோகத்தர்கள்,பொது சுகாதாரபரிசோதகர், சுகாதார உத்தியோகத்தர்கள்,பொலிஸ் உத்தியோகத்தர்கள்,கிராம மட்ட அமைப்புகளினர் உட்பட பலர் பங்கெடுத்திருந்தனர்.
