Divisional Secretariat - Jaffna

கார்த்திகை தீபம் என்பது கார்த்திகை மாத பௌர்ணமி நாளும் கார்த்திகை நட்சத்திரமும் சேர்ந்த திருக்கார்த்திகை நாளில் தமிழர் தமது இல்லங்களிலும் ,கோவில்களிலும் பிரகாசமான தீபங்களை ஏற்றி மகிழ்ச்சியாகக் கொண்டாடும் ஒரு தீபத் திருநாள் ஆகும்.அந்நாளில் எமது அலுவலகத்திலும் பிரதேச செயலக உத்தியோகத்தர்கள் வருடந்தோறும் தீபங்கள் ஏற்றுவது போல் இந்த ஆண்டும் கார்த்திகை தீபத்தினை ஏற்றி அலுவலகத்தினை தீப ஒளியில் அலங்கரித்திருந்தனர்.

75ஆவது சுதந்திர தின விழாவை முன்னிட்டு இன்று J/80 கிராம அலுவலர் பிரிவில் போதை ஒழிப்புத் தொடர்பான கருத்தரங்கு 06.12.2022 செவ்வாய்க்கிழமை பிற்பகல் 3மணியளவில் JSAC நிறுவனத்தின் அனுசரணையுடன் மாதர் கிராம அபிவிருத்தி சங்கத்தின் ஏற்பாட்டின் மூலம் நடைபெற்றது.இந் நிகழ்வில் மாவட்ட இணைப்பாளர் (போதை ஒழிப்பு), பிரதேச செயலக போதை ஒழிப்பு உத்தியோகத்தர், JSAC நிறுவன உத்தியோகத்தர் ,கிராம மட்ட உத்தியோகத்தர்கள், மாதர் சங்கத்தினர் மற்றும் பொது மக்கள் கலந்து கொண்டனர்.

J/62 கொழும்புத்துத்துறை கிழக்கு கிராம அலுவலர் பிரிவில் இன்று 2022-12-08 வியாழக்கிழமை 75 ஆவது சுதந்திர தினத்தை முன்னிட்டு எதிர்வரும் காலங்களில் பாடசாலை மாணவர்களை போதைப் பொருள் பாவனையில் இருந்து பாதுகாத்துக்கொள்வது தொடர்பில் கலந்துரையாடல் இடம்பெற்றது. கருத்துக்களை யாழ்ப்பாணம் பொலீஸ் உத்தியோகத்தவர்கள் வழங்கினார்கள். இதில் பாடசாலை அதிபர், சமூக மட்ட அமைப்பினர், பொதுமக்கள் கலந்து கொண்டனர்.