-
මුල් පිටුව
- පුවත්
நலன்புரி நன்மைகள் சபையின் செயற்திட்டத்தில் தரவுகளைத் தரவுத் தளத்தில் பதிவேற்றும் வேலைத்திட்டத்தில் இணைக்கப்பட்ட எண்ணீட்டு உத்தியோகத்தர்களுக்கான(Enumerators) பயிற்சி நெறியொன்று எமது பிரதேச செயலக மாநாட்டு மண்டபத்தில் 09.12.2022 காலை 9.00 மணிமுதல் 12.00 மணிவரை இடம்பெற்றது.இப் பயிற்சி நெறியில் ASWASUMA Mobile App தொடர்பான தொழில்நுட்ப ரீதியான பயிற்சிகளைப் பெற்ற தகவல் தொடர்பாடல் மற்றும் தொழில்நுட்ப உத்தியோகத்தர் ,நலன்புரி நன்மைகள் சபையின் வேலைத்திட்டத்திற்குப் பொறுப்பான விடய உத்தியோகத்தர்கள் கலந்து கொண்டு ஏனைய உத்தியோகத்தர்களுக்கு பொருத்தமான விளக்கங்களுடன் தரவேற்றம் தொடர்பான விளக்கங்களை வழங்கியிருந்தனர்.
உயிர்வாழ்வுச் சான்றிதழ் தரவுக் கட்டமைப்பை, அடுத்த வருடம் மார்ச் 31ஆம் திகதிக்கு முன்னர் புதுப்பிக்காத ஓய்வூதியக்காரர்களின் ஓய்வூதியக் கொடுப்பனவு நிறுத்தப்படும்.
இதுதொடர்பாக அனைத்து மாவட்ட மற்றும் பிராந்திய செயலாளர்களுக்கும் எழுத்து மூலம் அவர் அறிவித்துள்ளார்.
ஓய்வூதியர்களின் உயிர்வாழ்வுச் சான்றிதழை எவ்வாறு உறுதிப்படுத்த வேண்டும் என்பது குறித்து அரச நிர்வாகம், உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சின் செயலாளர் கிராம அதிகாரிகளுக்கு தொடர் அறிவுறுத்தல்களை விடுத்துள்ளதாக பணிப்பாளர் நாயகம் சுட்டிக்காட்டினார்.
ஓய்வூதியர்களின் கையொப்பமிடப்பட்ட படிவத்தை அடுத்த ஆண்டு பிப்ரவரி மாதம் 15ஆம் திகதிக்கு முன்னர் பிரதேச செயலாரிடம் ஒப்படைப்பது அவசியமாகும். அந்தத் தகவலின்படி, ஓய்வூதிய அதிகாரிகள் தரவுக் கட்டமைப்பை புதுப்பிக்க வேண்டும் என அவர் குறிப்பிட்டார். அதுவரை உறுதிப்படுத்தப்படாத ஓய்வூதியர்களின் தரவுகள் பெப்ரவரி மாதம் 20ஆம் திகதி மீண்டும் சம்பந்தப்பட்ட கிராம அலுவலரிடம் ஒப்படைக்க வேண்டும். கிராம அலுவலர்கள் ஆவணங்களை பூர்த்தி செய்து மாவட்ட செயலாளரிடம் மார்ச் மாதம் 31ஆம் திகதிக்குள் ஒப்படைக்க வேண்டும் என்றும் ஓய்வூதிய பணிப்பாளர் நாயகம் ஜெகத் டி டயஸ் மேலும் தெரிவித்தார்.
உயிர்வாழ்வுச் சான்றிதழ் தரவுக் கட்டமைப்பு குறித்த சுற்றறிக்கை:
தற்போதைய சூழ்நிலையில் யாழ் மாவட்டத்தில் வளி மாசடைந்துள்ளதால் பொது மக்கள் மிகுந்த கவனத்துடன் இருத்தல் அவசியமாகும்.
சுவாச மாசுக்களால் சுவாச நோய்கள் அஸ்மா, சுவாசப் புற்றுநோய், இதய நோய்கள், பாரிசவாதம் என்பன ஏற்படுகின்றமை உறுதிப்படுத்தப்பட்டு உள்ளது என ஆராய்ச்சிகள் கூறுகின்றன.
நாட்டின் பல பகுதிகளில் வளியின் தரம் மிகவும் மோசமான நிலையை எட்டியுள்ளதாக (08.12.2022) தேசிய கட்டிட ஆராய்சி நிறுவனம் (NBRO) வெளியிட்டுள்ள அறிக்கையில் எச்சரித்துள்ளது.
நேற்று பி.ப 7.30 மணி நிலவரப்படி யாழ் மாவட்டம் வளி தரக் குறியீட்டில் (AQI) முறையே 139 ஆக உள்ளது.
இது ஒரு ஆபத்தான நிலமையாகும்.இந்தியாவிலிருந்து வரும் மாசுபட்ட வளியானது இலங்கையின் வளிமண்டலத் தொகுதிக்குள் நுழைந்துள்ளதாகவும்,
அதனால், இலங்கையின் வடக்குப் பகுதி மற்றும் சில பகுதிகள் தற்போது வளியின் தரத்தில் கடுமையான ஆரோக்கியமற்ற தன்மையை எதிர்கொள்வதாகவும் NBRO தேசிய கட்டட ஆராய்ச்சி நிறுவனம் தெரிவித்துள்ளது.
வளிமாசடைவதினால் சுவாசம் சார்ந்த பல்வகை நோய்கள் ஏற்படல். குறிப்பாக அஸ்மா, சுவாப் புற்றுநோய், மார்புச்சளி, இருமல், கண்நோய் ஏற்படல், கண்பார்வை பாதிப்படைதல் முதலியவற்றைக் குறிப்பிடலாம்.
விலங்குகள், கால்நடைகளின் மீள் உற்பத்தியாக்கல் பாதிப்படைதல், கால்நடைகளின் கண்பார்வை பாதிப்படைதல் மற்றும் தாவரங்களின் வளர்ச்சி, விளைச்சல் பாதிப்படைதல், இலைகளின் நிறம் மாற்றமடைதல் ஏற்படும்.
தூசு துகள்கள் வளியில் கலந்திருப்பதனால் பொருட்களை தெளிவாகப் பார்க்கமுடியாதவாறு தௌவற்ற தன்மை காணப்படும்.
அதிக பாதிப்புக்களை ஏற்படுத்தும் என்பதால் பொதுமக்கள் இது குறித்து விழிப்புடன் இருத்தல் அவசியமாகும்.
பாதுகாப்பு நடவடிக்கைகள்
முகக் கவசம் அணிதல் நன்று, வெளிப்புற காற்றைத் தவிர்க்க உங்கள் ஜன்னல்களை மூடுவது நல்லது, இயன்றளவு வெளியில் நடமாடுவதை தவிர்ப்பது நல்லது.
வட மாகாணத்தில் பலத்த மழை மற்றும் காற்று வீசி வருகின்றது இதனால் மின் வடங்கள் (conductors/கரண்ட் கம்பிகள்) அறுந்து விழக்கூடும். இவ்வாறு அறுந்து விழுந்திருப்பது அவதானிக்கப்பட்டால், உடனடியாக மின்சார சபைக்கு அறிவிப்பதோடு, மின்சார சபையினர் வந்து மின் இணைப்பை துண்டிக்கும் வரை அதன் அருகில் ஒருவரையும் செல்ல விடாது காத்திருந்து சமூக நலன் பேணவும். எந்நேரமும் தொடர்பு கொள்ளக் கூடிய இலங்கை மின்சார சபையின் தொலைபேசி இலக்கம் (021) 202 4444 அல்லது கீழ் வரும் பொருத்தமான பிரதேசங்களுக்கு
ஏற்புடைய தொலைபேசி இலக்கங்களுடன் தொடர்பு கொள்ளவும்.
யாழ்ப்பாணம் 0212222609
திருநெல்வேலி,கோண்டாவில் 0212222498
சுண்ணாகம் 0212240301
சாவகச்சேரி 0212270040
பருத்தித்துறை 0212263257
வட்டுக்கோட்டை 0212250855
வேலணை0212211525
காங்கேசன்துறை 0212245400
09 டிசம்பர் 2022 அன்று காலை 05.30 மணிக்கு வளிமண்டலவியல் திணைக்களத்தினால் வெளியிடப்பட்டது.
மண்டூஸ் சூறாவளி தென்மேற்கு வங்காள விரிகுடாவில் திருகோணமலைக்கு வடகிழக்கே 240 கி.மீ தூரத்தில் நிலை கொண்டுள்ளது.
இது மேற்கு-வடமேற்கு திசையில் நகர்ந்து இன்று நள்ளிரவில் தென்மேற்கு வங்காள விரிகுடாவில் வட தமிழ்நாடு-நாடு, புதுச்சேரி மற்றும் தெற்கு ஆந்திரா கடற்கரையை கடக்க அதிக வாய்ப்புள்ளது.
இதன் காரணமாக வடக்கு மற்றும் கிழக்கு கரையோரத்தின் ஆழமான மற்றும் ஆழமற்ற கடல் பகுதிகள்
டிசம்பர் 09 ஆம் தேதியின் போது மிகவும் பலத்த காற்று மற்றும் பலத்த மழையுடன் மிகவும் உயரமான அலைகள் எழ அதிக சாத்தியங்கள் காணப்படுகின்றது.
காங்கேசன்துறையிலிருந்து திருகோணமலை மற்றும் மட்டக்களப்பு ஊடாக பொத்துவில் வரையான கடற்பரப்புகளில் கடல் அலைகள் (சுமார் 2.5 – 3.5 மீ) வரை அதிகரிக்கும் சாத்தியம் காணப்படுகின்றது.
மன்னாரிலிருந்து காங்கேசன்துறை, திருகோணமலை மற்றும் மட்டக்களப்பு ஊடாக பொத்துவில் வரையான கரையோரத்திற்கு அப்பால்
உள்ள ஆழமான மற்றும் ஆழமற்ற கடற்பரப்புகளுக்கு மீனவ சமூகங்கள் செல்லவேண்டாம் என அறிவுறுத்தப்பட்டுள்ளது.
இது தொடர்பில் வளிமண்டலவியல் திணைக்களத்தினால் வெளியிடப்படும் எதிர்கால முன்னறிவிப்புகளுக்கு மீனவ சமூகம் அவதானமாக இருக்குமாறு கோரப்பட்டுள்ளது.
காங்கேசன்துறையிலிருந்து திருகோணமலை மற்றும் மட்டக்களப்பு ஊடாக பொத்துவில் வரையான கடற்பரப்புகளில் காற்றின் வேகமானது மணித்தியாலத்துக்கு (40-50) கிலோமீற்றர் வரை வீசுவதுடன்,
அம்பாந்தோட்டை ஊடாக காலி முதல் பொத்துவில் வரையான கடற்பரப்புகளில் காற்றின் வேகமானது அவ்வப்போது மணித்தியாலத்துக்கு (65-75) வரை வீசக்கூடும்.
வட மாகாணத்தில் சில இடங்களில் 100 மில்லி மீற்றருக்கும் அதிகமான பலத்த மழை வீழ்ச்சி எதிர்பார்க்கப்படுகிறது.
சப்ரகமுவ மாகாணத்திலும் காலி, மாத்தறை, அனுராதபுரம் மற்றும் திருகோணமலை மாவட்டங்களிலும் அவ்வப்போது மழை பெய்யும்.
மேல் மற்றும் வடமேல் மாகாணங்களிலும் நுவரெலியா மற்றும் கண்டி மாவட்டங்களிலும் பல தடவைகள் மழை பெய்யக்கூடும்.
வடக்கு, வடமத்திய, கிழக்கு, ஊவா மற்றும் மத்திய மாகாணங்களில் அவ்வப்போது மணித்தியாலத்துக்கு (60-70) கிலோமீற்றர் வேகத்தில் பலத்த காற்று வீசக்கூடும்.
