ප්‍රාදේශීය ලේකම් කාර්යාලය - යාපනය

எமது பிரதேச செயலாளர் பிரிவிற்குட்பட்ட ஆயுள் வேத பாதுகாப்புச் சபைக் கூட்டம் 14.02.2024 பி.ப 3.00 மணிக்கு உதவிப் பிரதேச செயலாளர் தலைமையில் பிரதேச செயலக மாநாட்டு மண்டபத்தில் இடம்பெற்றது.இக் கூட்டத்தில் ஆயுள் வேத பாதுகாப்புச் சபையின் இவ்வாண்டுக்கான வேலைத் திட்டங்கள்,கிராம அலுவலர் பிரிவுகளில் அமைக்கவேண்டிய மூலிகைத் தோட்டம்,ஆயுள் வேத வைத்தியத்தை நவீன மயப்படுத்தல்,ஆயுள் வேத வைத்தியர்களின் தேவைப்பாடுகளை பூர்த்தி செய்தல்,அவர்களுக்கான விருதுகளை வழங்குதல் போன்ற விடயங்கள் பற்றி கலந்துரையாடப்பட்டன.

வடக்கு மாகாண கிராம அபிவிருத்தித் திணைக்களமும் யாழ்ப்பாண பிரதேச செயலகமும் இணைந்து நடாத்த்திய மனைப்பொருளியல் டிப்ளோமா பாடநெறி மாணவிகளின் கண்காட்சி இன்று 12.02.2024 எமது பிரதேச செயலக திறந்த வெளி அரங்கில் காலை 9.00 மணிக்கு பிரதேச செயலாளர் தலைமையில் இடம் பெற்றது.இந் நிகழ்வின் பிரதம விருந்தினராக திருமதி. பார்த்தீபன் கஜானி பணிப்பாளர்,கிராம அபிவிருத்தித் திணைக்களம் ,வடக்கு மாகாணம் அவர்களும், சிறப்பு விருந்தினராக திருமதி.சுதாகர் சுனேத்திரா மாவட்ட கிராம அபிவிருத்தி உத்தியோகத்தர்,மாவட்ட செயலகம், யாழ்ப்பாணம் அவர்களும் கலந்து சிறப்பித்திருந்தனர்.நிகழ்வில் பயிற்சி நெறியைப் பூர்த்தி செய்த மாணவிகளின் தயாரிப்புப் பொருட்கள் காட்சிப் படுத்தப்பட்டதுடன் அவர்களுக்கான சான்றிதழ்களும் வழங்கப்பட்டன.

எமது பிரதேச செயலாளர் பிரிவிற்குட்பட்ட பிரதேச மட்ட சகவாழ்வுச் சங்கம் நேற்றைய தினம் உருவாக்கப்பட்டது. பிரதேச செயலக மாநாட்டு மண்டபத்தில் பிரதேச செயலாளர் தலைமையில் உருவாக்கப்பட்ட இச் சங்கத்திற்காக தலைவர்,செயலாளர்,பொருளாளர் உட்பட ஆறு அங்கத்தவர்களைக் கொண்ட உறுப்பினர்கள் தெரிவு செய்யப்பட்டனர்.இக் கூட்டத்தில் பொலீஸ் அமைப்பினர்,சமூக மட்ட குழுக்கள், கிராம மட்ட உத்தியோகத்தர்கள் எனப் பலர் கலந்து கொண்டனர்.

நம் நாட்டின் 76 ஆவது தேசிய சுதந்திர தினத்தினை முன்னிட்டு பொது நிர்வாக, உள் நாட்டலுவல்கள் ,மாகாண சபைகள் மற்றும் உள்ளூராட்சி அமைச்சின் அறிவுறுத்தல்களுக்கமைவாக 01.02.2024 தொடக்கம் 07.02.2024 ஆம் திகதி வரை நடாத்தப்படும் மரநடுகை வாரத்தின் அம்சமாக எமது பிரதேச செயலாளர் பிரிவிற்குட்படட கிராம அலுவலர் பிரிவுகளில் மரநடுகை மற்றும் சிரமதான நிகழ்வுகள் நடைபெற்று வருகின்றன.இந்த வகையில் மருத்துவக் குணமுள்ள மூலிகை மரங்கள்,மற்றும் பழமரக்கன்றுகள் நாட்டப்பட்டு வருவதுடன் சிரமதானங்களும் இடம்பெற்று வருகின்றன. J/85 நாவாந்துறை வடக்கு கிராம அலுவலர் பிரிவில் பொதுமக்கள் பங்களிப்புடன் சிரமதானம் இடம்பெற்றது.