-
මුල් පිටුව
- පුවත්
அனைத்து உற்பத்தியாளர்கள், தயாரிப்பாளர்கள், கடை உரிமையாளர்கள் மற்றும் வர்த்தகர்கள் இப்போது தங்கள் வசம் உள்ள பொருட்களுக்கான பில், விலைப்பட்டியல் வைத்திருக்க வேண்டும் என்று நுகர்வோர் விவகார சபை (CAA) அறிவித்துள்ளது. இந்த உத்தரவு ஏப்ரல் 27 முதல் உடன் அமுலுக்கு வந்துள்ளது.
விலைப்பட்டியல் (Bills) விநியோகிஸ்தரின் பெயர் மற்றும் முகவரி, வாங்கிய திகதி, விலை, பொருட்களின் வகை, அளவு மற்றும் தொகுதி எண் ஏதேனும் குறிப்பிட வேண்டும்.
நுகர்வோர் விவகார சபை.
குடிவரவு மற்றும் குடியகல்வுத் திணைக்களத்தின் கடவுச் சீட்டு பெற்றுக் கொள்ள உள்ள பொது மக்களுக்கான அறிவுறுத்தல்..........
குடிவரவு மற்றும் குடியகல்வுத் திணைக்களத்தின் இடை நிறுத்தப்பட்டிருந்த கடவுச் சீட்டு விநியோக நடவடிக்கைகள் இன்று ஆரம்பிக்கப்படவுள்ளது.
சாதாரண சேவையின் கீழ் (ஒரு நாள் சேவை தவிர்ந்த) மாத்திரம் மே மாதம் 9 ஆம் திகதி திங்கட்கிழமை இன்று முதல் மீண்டும் ஆரம்பிக்கப்படவுள்ளன.
மே மாதம் 9ஆம் திகதி திங்கட்கிழமை, மே மாதம் 5 மற்றும் 6 ஆம் திகதிகளில் சாதாரண சேவையின் கீழ் கடவுச்சீட்டைப் பெற்றுக் கொள்வதற்காக நேரத்தை ஒதுக்கிக் கொண்ட,
மற்றும் மே மாதம் 05 ஆம் திகதி சாதாரண சேவையின் கீழ் விண்ணப்பங்களை ஒப்படைப்பதற்கு வருகைத்தந்த, திணைக்களத்தினால் இலக்கம் அல்லது திகதி முத்திரையைப் பெற்றுக் கொண்ட விண்ணப்பதாரிகளின் விண்ணப்பங்கள் மாத்திரம் ஏற்றுக்கொள்ளப்படும்.
மேலும், மே மாதம் 10 ஆம் திகதி செவ்வாய் கிழமை முதல் கடவுச்சீட்டு விண்ணப்பங்களை
ஒப்படைப்பதற்கு திகதியையும் நேரத்தையும் ஒதுக்கிக் கொள்ள வேண்டியது கட்டாயமாகும்.
http://www.immigration.gov.lk/ எனும் இணையத்தளத்திற்குப் பிரவேசித்து அல்லது 0707101060 எனும் தொலைப்பேசி இலக்கத்தை அழைத்து திகதியையும் நேரத்தையும் ஒதுக்கிக்கொள்ள முடியும்.
திணைக்களத்தின் தலைமை அலுவலகத்தினால் வழங்கப்படும் ஏனைய சேவைகள், பிராந்திய அலுவலகங்கள் மூலம் வழங்கப்படும் சேவைகள் மற்றும் விமான நிலைய குடிவரவு மற்றும் குடியகல்வுச் சேவைகள் என்பன வழமை போன்று நடைபெறும்.
இன்று 08.05.2022 ஞாயிற்றுக்கிமை சர்வதேச எமது பிரதேச செயலகத்தில் காலை 9.30 மணிக்கு அன்னையர்கள் தின நிகழ்வு மிகவும் சிறப்பாக இடம்பெற்றது.இந் நிகழ்வில் எமது பிரதேச செயலாளர் பிரிவிற்குட்பட்ட வறிய கர்ப்பிணித் தாய்மாருக்கான பொதிகள் மொபிற்றல் நிறுவனத்தின் அனுசரணையுடன் வழங்கி வைக்கப்பட்டன.
J/88 புதிய சோனகதெரு கிராம அலுவலர் பிரிவின் பிரிவின் கிராம அபிவிருத்தி சங்க பொதுக்கூட்டம் 08.05.2022 ஞாயிற்றுக்கிழமை பி.ப 4 மணியளவில் நடைபெற்றது.கிராம அபிவிருத்தி உத்தியோகத்தர், பொதுமக்கள் கலந்துகொண்டு சங்கத்திற்கான புதிய நிர்வாகத்தினை தெரிவு செய்தனர்.
யார் எல்லாம் இந்த உதவி பெறத் தகுதியானவர்கள்?..
பொருளாதார நெருக்கடிகளால் சிரமங்களுக்குள்ளாகியுள்ள குறைந்த வருமானம் கொண்ட குடும்பங்களுக்கு உதவி வழங்க அரசாங்கம் தீர்மானித்துள்ளது.
அதற்கமைய அடையாளங் காணப்பட்ட பயனாளிக்கு மே மாதம் தொடக்கம் யூலை மாதம் வரை குறித்த உதவிகளை வழங்கப்படவுள்ளது.
தகுதியானவர்கள்
70 வயதிற்கு மேற்பட்ட முதியவர்களுக்கு முதியோர் கொடுப்பனவாக தற்பொழுது வழங்கப்பட்டு வரும் ரூபா 2,000 இனை 3,000 ரூபாவால் அதிகரித்து 5,000 ரூபாவாக வழங்கப்படவுள்ளது. 70 வயதிற்கு மேற்பட்ட முதியோர் கொடுப்பனவிற்காக காத்திருப்பு பட்டியலில் உள்ளவர்களுக்கு ரூபா 5,000 வழங்கப்படவுள்ளது. 100 வயதிற்கு மேற்பட்ட முதியவர்களுக்கு முதியோர் கொடுப்பனவாக தற்பொழுது வழங்கப்பட்டு வரும் ரூபா 5,000 இனை 2,500 ரூபாவால் அதிகரித்து 7,500 ரூபாவாக வழங்கப்படவுள்ளது. மாற்று வலுவுடையோருக்கு தற்பொழுது வழங்கப்பட்டு வரும் ரூபா 5,000 கொடுப்பனவு 2,500 ரூபாவால் அதிகரித்து 7,500 ரூபாவாக வழங்கப்படவுள்ளது. காத்திருப்பு பட்டியலில் உள்ள மாற்று வலுவுடையோருக்கு ரூபா 5,000 கொடுப்பனவு வழங்கப்படவுள்ளது. சிறுநீரக நோயாளிகளுக்கு தற்பொழுது வழங்கப்பட்டு வரும் ரூபா 5,000 கொடுப்பனவு 2,500 ரூபாவால் அதிகரித்து 7,500 ரூபாவாக வழங்கப்படவுள்ளது. காத்திருப்பு பட்டியலில் உள்ள சிறுநீரக நோயாளிகளுக்கு ரூபா 5,000 வழங்கப்படவுள்ளது. தற்பொழுது ரூபா 1,900 பெற்றுக் கொள்ளும் சமுர்த்தி பயனாளிகளுக்கு ரூபா 3,100 அதிகரித்து 5,000 ரூபாவாக வழங்கப்படவுள்ளது. தற்பொழுது ரூபா 3,200 பெற்றுக் கொள்ளும் சமுர்த்தி பயனாளிகளுக்கு ரூபா 3,100 அதிகரித்து 6,300 ரூபாவாக வழங்கப்படவுள்ளது. தற்பொழுது ரூபா 4,500 பெற்றுக் கொள்ளும் சமுர்த்தி பயனாளிகளுக்கு ரூபா 3,000 அதிகரித்து 7,500 ரூபாவாக வழங்கப்படவுள்ளது. காத்திருப்பு பட்டியலில் உள்ள சமுர்த்தி பயனாளிகளுக்கு ரூபா 5,000 வழங்கப்படவுள்ளது.
