ප්‍රාදේශීය ලේකම් කාර්යාලය - යාපනය

எமது பிரதேச செயலகத்தில் கடமையாற்றும் அலுவலர்களுக்கான தகவல் அறியும் உரிமைச் சட்டம் தொடர்பான விழிப்புணர்வுச் செயலமர்வு நேற்று செவ்வாய் கிழமை காலை 9.30 மணி முதல் 12.30 மணிவரை எமது பிரதேச செயலக மாநாட்டு மண்டபத்தில் இடம்பெற்றது.இச் செயலமர்விற்கு வளவாளராக யாழ் மாவட்ட செயலக மேலதிக அரசாங்க அதிபர்.திரு. ம.பிரதீபன் அவர்கள் கலந்து கொண்டு சிறந்த எடுத்துக்காட்டுகளுடனான தெளிவுபடுத்தல்களை வழங்கியிருந்தார்.

"பிளாஸ்டிக் மூலம் ஏற்படும் மாசைத் தடுப்போம்" எனும் தொனிப்பொருளில் எமது பிரதேச செயலாளர் பிரிவிற்குட்பட்ட கிராம அலுவலர் பிரிவுகளில் மரநடுகை தினம் , பேண்தகு காணிமுகாமைத்துவ தினம், சுற்றாடல் சுத்தப்படுத்துகை தினம், நீர் மற்றும் நீர் மூலாதாரங்களைப் பாதுகாக்கும் தினம், உயிர் பல் வகைமை தினம் என்ற அடிப்படையில் பொதுமக்களின் பங்கு பற்றுதலுடன் களப்பணிகள் பல இடம்பெற்றன.

உலக சுற்றாடல் தினத்தையொட்டி எமது பிரதேச செயலாளர் பிரிவிற்குட்பட்ட கிராம அலுவலர் பிரிவுகள் J/64 பாசையூர் கிழக்கு,மற்றும் J/84 நாவாந்துறை தெற்கு ஆகியவற்றில் "பிளாஸ்டிக் மூலம் ஏற்படும் மாசைத் தடுப்போம்" எனும் தொனிப்பொருளில் யாழ் பல்கலைக்கழக விஞ்ஞான பீட விலங்கியல் துறை மாணவர் சங்கத்தினருடன் இணைந்து பொதுமக்களுக்கான விழிப்புணர்வுக் கலந்துரையாடல் எமது உத்தியோகத்தர்களால் நடாத்தப்பட்டது.