Divisional Secretariat - Jaffna

யாழ்ப்பாண வலயத்திற்குட்பட்ட ஆசிரியர்களுக்கான உள ஆற்றுப்படுத்தல் தொடர்பான இரண்டாம் கட்ட செயலமர்வு நேற்று 09.05.2023 திங்கட்கிழமை காலை 9.30 மணிக்கு எமது பிரதேச செயலக மாநாட்டு மண்டபத்தில் இடம்பெற்றது. உதவிப்பிரதேச செயலாளர் தலைமையில் இடம்பெற்ற இந்த செயலமர்வுக்கு வளவாளர்களாக உளநல வைத்திய நிபுணர் Dr.சிவதாஸ், யாழ் போதனா வைத்தியசாலை அவர்களும் ,வண.ஸ்ராலின் அடிகளார் அவர்களும் கலந்து கொண்டு கருத்துரை வழங்கியிருந்தனர். ஐம்பது ஆசிரியர்கள் இச் செயலமர்வில் கலந்து கொண்டு நடைமுறையில் மாணவர்களின் கற்றல், கற்பித்தல் தொடர்பிலுள்ள உளரீதியான பிரச்சனைகள்,அதற்கன தீர்வுகள் பற்றி கலந்துரையாடி பயன்பெற்றுள்ளனர் .

நிதி,பொருளாதார உறுதிப்பாடு மற்றும் தேசியக் கொள்கைகள் அமைச்சின் 2002ஆம் ஆண்டின் 24 ஆம் இலக்க நலன்புரி நன்மைகள் சட்டத்தின் 7(1) பிரிவின் பிரகாரம் நலன்புரி நிவாரண பலன்களை செலுத்துதல் தொடர்பில் தகுதியான அனைத்து நபர்களையும் கண்டறியும் நோக்கில் கிராம மட்டத்தில் தகவல்களை சேகரித்த எமது பிரதேச செயலகத்தைச் சார்ந்த எண்ணீட்டாளர்கள் 97 பேரும் பணிக்காக அர்ப்பணிப்புடன் செயற்பட்டமைக்காக நேற்றைய தினம் 08.05.2023 எமது பிரதேச செயலாளரால் மெச்சுரைகள் வழங்கி கௌரவிக்கப்பட்டனர்.

வெசாக் வேலைத்திட்டத்தில் ஒன்றாக மத நல்லிணக்கத்தை ஏற்படுத்தும் நோக்கில் எமது பிரதேச செயலாளர் பிரிவிற்குட்பட்ட ஆரிய குளம் பகுதியில் அமைந்துள்ள பௌத்த விகாரையின் விகாராதிபதிக்கு தமிழ்ப் புத்தகங்கள் வழங்கி வைக்கப்பட்டன.